Hyrje » Parapsikologji

Arkiva Kategorie: Parapsikologji

PROJEKSIONI ASTRAL (video)


Çfarë është Projeksioni Astral?

Pavarësisht se janë shkruar shumë gjëra mbi këtë temë, akoma kjo çështje është e panjohur mirë, dhe sidomos në vëndin tonë. Projeksion Astral konsiderohet çdo lloj eksperience jashtëtrupore që kryhet me anë të trupit astral, i cili është i aftë të braktisë trupin fizik të njeriut dhe të udhëtojë jashtë tij në botën ose dimensionin astral.

Projeksioni astral përbën një nga mundësitë e ekzistencës njerëzore. Dëshmitë e njerëzve që kanë pasur një projekson astral me ose pa dashje janë të panumërta, akoma edhe në ditët tona. Por pasi gjykimi racional i botës tonë mban fort frerët e jetës tonë, dhe rrallë herë i japim të panjohurës vënd për tu shfaqur, të paktë janë ata që e dinë me të vërtet se çfarë u ndodhi kur papritur braktisën trupin e tyre dhe e panë veten duke bërë një udhëtim magjepsës astral. Por megjithatë… po ti hedhim një sy traditave të lashta do të na zbulojnë, se ky udhëtim jo vetëm që është i arritshëm, por dhe natyral për njeriun.

Trupi astral

Duke kërkuar në Traditat Esoterike të gjithë qytetërimeve shohim se njeriu përmban një trup që në Tratidën Perëndimore u quajt “astral”, i cili është mbartësi i ndjenjave, pasioneve dhe emocioneve të tij. Gjithashtu ky mbartës quhet “shëmbëlltyrë e dyfishtë”, pasi përbën një kopje ekzakte të trupit tonë fizik, por me ndjesi më të holla. Falë këtij trupi, ekzistojnë dhe shfaqen ndjenjat njerëzore, duke na lejuar një jetë emocionuese, si dhe një komunikim me botën rrethuese nëpërmjet ndjenjave që përbejnë shtrirjen e kësaj shëmbëlltyreje.

Duke bërë një udhëtim të shkurtër në qytetërimet e lashta vërejmë se secili nga ata kishte një emër për trupin astral. Kështu, Egjiptianët flisnin për Ka, Indianët e quanin Liga Sarira, dhe hindutë e përmbanin në Pranamajia Kosa. Budistët flisnin për aftësitë e Rupas, ashtu sikurse Kinezët e quanin Thanghi. Në vëndet skandinave përmëndej si Xhidel, ndërsa keltët e quanin Fets, Guaft ose Favi. Gjithashtu, në Greqi ishte i njohur me emrin Idholo, “Είδωλο”, ose shëmbëlltyra, dhe në Romë me emrin Larva.

Projeksioni astral

Pra një nga aftësitë e trupit astral është dhe aftësia e projeksionit të tij në botën astrale ose në zona të tjera të kohës dhe vëndit. Ky fenomen quhet projeksion astral. Sipas studimeve që janë bërë, ekzistojnë katër lloje të projeksionit astral.

1. Projeksioni që bëhet pa dashje dhe pa vetëdije, e cila përjetohet si një ëndërr intensive. Kur zgjohemi ndihemi shumë të lodhur, dhe me ndjesinë se gjatë gjumit kemi qënë intensivisht aktivë.
2. Projeksioni që bëhet pa dashje dhe me vetëdije, gjatë së cilit trupi ynë astral shtyhet jashtë si rezultat gjëndjeve dëshire të madhe, tensioni, frike, ankthi ose dhimbjeje te fortë. Te ky tip renditen shembujt e njerëzve që u ngritën astrikisht mbi trupin e tyre fizik gjatë një operacioni, ose që u gjendën afër njerëzve të tyre të dashur.
3. Projeksion që bëhet me dashje por pa vetëdije, e cili arrihet nëpërmjet teknikës, por nuk e kemi vetëdijen e plotë të këtij udhëtimi. Megjithatë, më vonë jemi në gjëndje të kujtojmë disa pjesë të kësaj experience.
4.Projeksion që bëhet me dashje dhe vetëdije, gjatë së cilës e përjetojmë daljen nga fillimi deri në fund, dhe jemi në gjëndje që të kthehemi mbrapa tek trupi ynë fizik me dëshirën tonë. Të njohura janë rastet e njerëzve që udhëtojnë nëpërmjet astralit me qëllim që të paralajmërojnë njerëzit e tyre të dashur mbi ngjarje të rëndësishme.
Në këtë pikë duhet të theksojmë se, projeksioni astral që bëhet me dëshirë është një praktikë që përmban shumë rreziqe. Rrezikshmëria qëndron te fakti që personi që ka bërë këtë projeksion mund të mos jetë në gjëndje që ta kthejë trupin e tij astral në trupin fizik, dhe në këtë rastë shkaktohet vdekja, ose ta lërë trupin e tij fizik të pambrojtur gjatë mungesës së trupit astral, me rezultat që trupi fizik të jetë i hapur ndaj ndikimive të jashtme. Për këtë arsye nevojitet një përgatitje e mirë, të stërvitesh, por edhe kultivimi brendësor i njeriut, në mënyrë që të jetë i mbrojtur ashtu siç duhet.

Gjate projeksionit astral, trupi astral qëndron i lidhur me trupin fizik nëpërmjet nje fije gri ose të argjendë, e cila lejon kthimin e trupit astral. Vetëm gjatë vdekjes kemi një shkëputje të plotë. Kjo fije lidhëse shpesh herë përmendet si litar ose fill. Në disa fise të Amerikës ngjasohet me gjarpërin ose pemën, Aziatikët e shohin si shigjetë qiellore dhe aborigjenët e Vorneut si shkalla. Tek Bibla e takojmë me si “fija e argjendë”, por edhe si shkalla e Jakobit. Të gjitha këto shfaqje reflektojnë mitin e lashtë të ngritjes të njeriut drejt qiellit dhe Perëndive, siç shprehet nëpërmjet traditave dhe ceremonive të atyre popujve.

Një fleshbek i shkurtër historik dhe kulturor

Projeksioni është pjesë e traditave dhe initacioneve e të gjitha shoqërive tradicionale të planetit tonë. Sipas studimeve antropologjike, shamanët e ketyre shoqërive realizonin udhëtime astrale me dëshirën e tyre, pasi e kishin përgatitur trupin dhe shpirtin ashtu siç duhej. Në Siberinë Lindore përgatitja përfshinte një periudhë që mbahej kreshmë, purifikimi trupor, dhe meditimi. Në vazhdim, mernin pjesë në një ceremoni te veçantë gjatë së cilës i binin një daulleje ritmikisht duke improvizuar psalme të cilat ndihmonin në shkëputjen e astralit nga trupi fizik. Shamanët e Amerikës Jugore përdornin gjithashtu një pije haliçunogjene të përgatitur nga bimë natyrale e cila e lejonte që të lartësonte perceptimin e tij para se të nisnin udhëtimin e tyre. Pije haliçunogjene përdornin dhe fiset e Perusë, ku grupe të mëdhaja njerëzish udhëtonin sëbashku në vënde të largëta. Akoma është e njohur aftësia e Afrikanëve, Indianëve Amerikanë dhe e Australianëve autoktonë që quheshin shërues – magjistarë, aftësia që të bëjnë projeksion astral me qëllim që të shërojnë pacientët, por edhe që të marin informacione të dobishme për mbrojtjen e fisit të tyre nga pushtuesit. Duke vazhduar me botën perëndimore gjejmë dëshmi të kësaj eksperience në veprat e Herodotit, Platonit, Plutarkut, Pliniut dhe Suetoniut. Kisha gjithashtu ka regjistruar eksperienca të ngjashme jashtë trupore, ku Apostulli Pavlo i përshkruan dhe analizon në Letrat e tij dhe Shën Agustini vendos histori interesante në veprat e tij. Të njohura janë akoma pikëpamjet e idhujve të shenjtorëve të ndryshëm të traditës së krishterë, siç janë ato të Antonios, të Padovait dhe të Alfonso Liguori. Një tregues tjetër është dhe vdekja e Napoleonit, i cili do që të udhëtojë para vdekjes së tij nga Helena e Shenjtë në Romë, që ti thotë mamasë së tij se ka vdekur.

Projeksioni astral dhe kërkime

Kërkimi shkencor i projeksionit astral filloi me themelimin e Kompanisë Britanike të Kërkimeve Psikike në vitin 1882, kur kërkues të degëve të ndryshme mblodhën dëshmi nga njerëzit e tyre, i krahasuan midis tyre dhe pastaj arritën ti vëzhgojnë nëpërmjet intervaleve psikike të kontrolluara. Më pas vijuan eksperimente të ngjashme nga kërkues Francez dhe Amerikanë të shekullit të XX, të cilët regjistruan ndryshimin e valëve që rrezaton truri gjatë eksperiencave jashtë trupore.

Sot në botë, ekzistojnë institucione dhe organizata që meren me studimin e fenomeneve parapsikologjike. Edhe pse dëshmitë e njerëzve që kanë pasur një eksperiencë jashtë trupore shtohen, “shkenca” moderne nuk e pranon këtë fenomen. E njëjta gjë ndodh edhe me shkencën e psikologjisë ku, sipas parimit frojdian, bota e ëndrrave konsiderohet si një skenë fantastike tek e cila përplasen pasionet e atij që ëndërron me frenimet e atij që është i vetëdijshëm. Një përjashtim përbën psikiatri i njohur Karl Gustav Jung, i cili jo vetëm e studjoi këtë fenomen, por edhe ai vetë kishte eksperienca të tilla astrale.

Shkenca konsideron si “reale” vetëm atë që është e dukshme në sytë e trupit tonë fizik dhe që është e mundur të vërtetohet në kushte të rrepta laboratorike. Ndoshta janë ritmet e shpejtë të jetës tonë, ndoshta tendencat tona mikroborgjeze, ndoshta disa shtysa të kontrolluara, ndoshta akoma edhe disa frikëra të brëndëshme, që na kanë bërë të besojmë se njeriu është vetëm ajo që duket dhe jo ajo që është. Paraardhësit tanë më siguri që do të qeshnin me “eksperimentet” tona, sepse e dinin shumë mirë se nuk ekzistonte “specialist” që të mundë të vinte kabëlla tek Shpirti, ose të peshojë jetën. Pikërisht prandaj ishin në gjëndje të udhëtonin ashtu sikurse shumë pak njerëz modernë munden.

Sot shfaqet në mënyrë të theksuar nevoja e kthimit të një konsiderate tërësore të qënies njerëzore. Kështjellat e shkencës konservtore avash-avash po ndalojnë së qëni të pamposhtura, pasi kërkues të rinj kërkojnë të vërtetën në dijen e lashtë dhe guxojnë të ecin mbi udhë të harruara. Po fillojmë përsëri të vetëdijësohemi, se njeriu përbën një pjesë të natyrës dhe ndjek ritmin e universit. Jeton në tokë, por mund të lartësohet drejt qiejve që të marrë pjesë në misterin e Shenjtë që na rrethon. Pra le të përpiqemi të zbulojmë natyrën tonë brendësore, duke qënë të hapur në udhëtimet e mrekullueshme të Shpirtit tonë…

Për më tepër materiale të këtij lloji klikoni këtu:

CFARE ESHTE PARAPSIKOLOGJIA ?


 

ÇFARË ËSHTË PARAPSIKOLOGJIA ?

 

Parapsikologjia dhe tё gjitha fenomenet parapsikologjike, sjellin njё interes tё madh nё ditёt tona. Nё mesin e shekullit tё 20-të, filluan hetimet e para shkencore mbi kёtё temё, por pa arritur nё nivele tё plota, nё mёnyrё qё tё krijohej njё shkencё e re e veçantё. Pёr kёtё arsye, parapsikologjia pёrbёn njё degё tё psikologjisё.

Me fjalёn “parapsikologj” lihet tё kuptohet sektori i kёrkimit qё studion aftёsitё mё tё thella dhe tё panjohura tё botёs psikike njerёzore. Marrja me kёtё sektor, nuk pёrbёn ndonjё lloj initacionimi nё ‘’mrekullira’’, por pёrpjekjen pёr njё kuptim sa mё tё mirё tё njeriut dhe tё jetёs nё pёrgjithёsi. Kjo qё nё vitet e fundit pёrbёn njё zonё tё re hetimi, nё tё vёrtetё nuk ёshtё aspak e re.

Nё lashtёsi tё gjithë qytetёrimet e lashtё u morёn me zhvillimin dhe ushtrimin e kёtyre fuqive tё njeriut. Madje nuk bёhej fjalё pёr njё studim nё fenomene tё vёshtira dhe tё pakuptimshme, por pёr  zbatimin e drejtё tё Ligjeve tё Natyrёs, tё dukshme ose tё padukshme.

Por pёr tё kuptuar mё mirё idenё e parapsikologjisё (tё gjendjeve, domethёnё qё ndodhen pёrtej dhe mё lart psikikës sё njeriut), duhet tё studiojmё njeriun si njё qёnie e ndёrlikuar qё, pёrveç trupit tё tij fizik, zotёron dhe njё pjesё psikologjike dhe njё pjesё shpirtёrore.

Ky mendim ёshtё bashkёkohor por njёkohёsisht edhe shumё i vjetёr dhe tradicional. Lidhja harmonike e kёtyre pjesёve ose ‘’trupave’’ pёrbёn krijesёn e plotё njerёzore. Pyetja ёshtё se sa vetё njeriu e njeh kёtё krijesё?

Studime dhe mendime bashkёkohore na tregojnё se nё tё vёrtetё njohim shumё pak gjёra pёr veten tonё. Njeriu zotёron njё dinamikё, aftёsi dhe mundёsi qё janё gati krejt tё panjohura.

Le tё krahasojmë njeriun me njё ajsberg qё 10% e ekzistencёs sё tij ndodhet mbi sipёrfaqen e detit (vetёdija),  dhe 90 %  ndodhet e fundosur brenda ujit (pavetёdija). Nё kёtё zonё tё madhe pavetёdijeje, pra, ekzistojnё dhe shfaqen tё ashtuquajturat “fenomenet parapsikologjike”.  Nё kёtё mёnyrё kuptojmё se parapsikologjia si njё shkencё, ёshtё studimi i njё “zone tё errёt’’.

Sigurisht, kjo pjesё e errёt e pavetёdijes, me edukimin e pёrshtatshёm, hetimin dhe kanalizimin mund tё ndriçohet dhe kёshtu pjesa e vetёdijshme mund tё zgjerohet.

Hapi i parё nё kёtё pёrpjekje ёshtё studimi i botёs psikologjike tё quajturit nga esoterizmi tradicional ‘’trupi astral’’. Ky trup ёshtё kaq real sa dhe trupi fizik. Fenomenet e tij janё  tё dukshme tek vёzhguesit e aftё.

Ashtu sikur njeriu i verbёr ёshtё i paaftё tё shikojё fenomenet fizike, ose sikur shumё fenomene fizike kanё nevojë pёr makineri tё veçanta pёr t’u bёrё te dukshme, kёshtu dhe “i verbёri astral’’ nuk shikon asgjё dhe shumё gjendje tё tilla i kalojnё konceptimit tё tij sikur tё mos ekzistonin kurrё.

Nevojitet qё  Vetёdija tё stёrvitet dhe tё mёsohet tё veprojё nё kёtё nivel. Dhe kur kjo gjё tё ndodhё, duhet tё pёrparojё mё tej nё studimin e trupit mendor dhe akoma dhe tё trupit shpirtёror. Kuptojmё nё kёtё mёnyrё se sa e gjatё ёshtё rruga e vetёnjohjes dhe e diturisё sё vёrtetё mbi fenomenet psikologjike ose metafizike. Por dhe pa kёtё zhvillim dhe dije, tё quajturat fenomene parapsikologjike ndodhin dhe i pёrballojmё çdo ditё.

Nuk ёshtё  e nevojshme që njё njeri i privilegjuar me aftёsi parapsikologjike tё jetё dhe i zhvilluar shpirtёrisht, nё mёnyrё qё tё dijё tё njohё dhe tё kontrollojё kёto fuqi tё tij. Mё e zakonta ёshtё tё ketё lindur me to dhe me tё vёrtetё nuk i kontrollon dhe nuk i kanalizon sipas vullnetit dhe dёshirёs sё tij.

Kjo ёshtё njё arsye e rёndёsishme pёr tё cilёn shkencёtarёt dhe studiuesit nuk kanё arritur nё rezultate tё caktuara dhe nё konkluzione, por vetёm vёzhgojnё, rregjistrojnё dhe testojnё, gjithçka qё u pёrket kёtyre fenomeneve parapsikologjike.

Esoterizmi jep pёrgjigjjet e tij mbi kёtё temё. Na jep mёsime mbi ligjet universale (karma, rimishёrimi), qё influencojnё zhvillimin e njeriut dhe pёrcaktojnё elementet me tё cilat ai lind dhe ndjek kёtё ecuri.

Na mёson pёr zonat e padukshme tё vetёdijes qё lidhen ngushtё me nivelin e dukshёm fizik. Na flet pёr Njё Jetё dhe si mund që tё gjitha qёniet tё jenё tё lidhura me njёra-tjetrёn.

Sigurisht qё kёto janё teori tё pavёrtetuara, sipas mentalitetit tonё, qё i nevojiten prova shumё tё ‘’dukshme’’ dhe tё kufizuara. Kёshtu do tё na duhet pёr shumё kohё akoma tё kёrkojmё “nё errёsirё’’ derisa tё arrijmё tё mundemi tё zgjerojmё mёnyrёn e  konceptimit tonё, tё bёhemi mё tё vetёdijshёm nё tё gjitha nivelet dhe tё fitojmё dijen thelbёsore.

Tani do t’i referohemi disa nga fenomeneve mё tё njohura dhe mё tё shpeshta parapsikologjike.

Projeksioni Astral: ёshtё aftёsia e veprimit aktiv tё nivelit astral. Kjo ndodh kur trupi astral çlirohet  nga trupi fizik. Ka mundёsinё e lёvizjes dhe tё transportimit me njё shpejtёsi tё pabesueshme nё çdo lloj distance, ndёrsa trupi fizik qёndron i palёvizur. Sigurisht qё i njёjti fenomen bёhet dhe nё njё mёnyrё tё pavetёdijshme, gjatё gjumit. Kёshtu shpesh herё duke u zgjuar, ekziston ideja e njeriut mbi diçka qё ai jetoi, por pa pasur ndonjё kujtim tё caktuar.

Mesazhe ёndёrrore: Jung kishte thёnё se : Endrrat janё shpesh njё paradhёnie e sё ardhmes’’. Ndodh shpesh qё gjatё ёndrrave  tё fitojmё njohuri tё duhura, pёrgjigjje mbi problemet tona. Madje dhe tё udhёtojmё nё kohё dhe tё jetojmё ngjarje tё sё ardhmes nё krahasim me kohёn fizike ‘’reale’’.

Psikometria: ёshtё aftёsia e pёrjetimit tё ngjarjeve tё sё kaluarёs nёpёrmjet çdo lloj objekti. Njeriu  qё ndodhet nё kёtё gjendje udhёhiqet nga njё objekt i caktuar, qё pёrfaqëson momentet dhe ndodhitё qё u zhvilluan gjatë ekzistencёs sё tij tё kaluar.

Parashikimi: mundёsia pёr tё njohur veprime tё ardhshme. Nё lashtёsi pёrbёnte njё intitacion tё fort , qё ishin Orakujt.

Tejshikimi (insight): ёshtё mundёsia e konceptimit dhe e njohurisё pёrtej shqisave dhe tё mendjes sonё tё kufizuar. Ka tё bёjё me tё quajturin syrin e tretё, zhvillimin e parandjenjёs tek njeriu.

Telepatia: ёshtё  aftёsia e trasmetimit nga njё njeri tek persona tё tjerё, me mjete jo fizike, tё njё figure, mendimi ose ndjenje. Pёr t’u arritur kjo, nevojitet  që dikush të mbizotërojë nivelin psikologjik dhe atё mendor, dhe gjithashtu mendimet dhe ndjenjat e tij tё jenё mjaft tё forta dhe tё pastra.

Kёto janё disa nga fenomenet kryesore qё quhen “fenomene parapsikologjike”. Por rrethi i tyre nuk mbyllet kёtu. Kёshtu do t’i referohemi fenomeneve të tjera nё artikujt e ardhshёm.  Pёrveç kёsaj, ashtu sikur tham qё nё fillim, vetё parapsikolgjia ёshtё nё zhvillim e sipёr pavarёsisht se nё ditët tona ajo pёrbёn njё zonё hetimi dhe studimi mjaft tё zgjeruar.

Për më tepër materiale të këtij lloji klikoni këtu:

APARATI KIRLIAN


 

 

 

 

APARATI  KIRLIAN

 

Semion Davinoviç Kirlian dhe Valentina Krisafovna Kirlian, nga Krasodari i Rusisë, janë personat që zbuluan mënyrën e fotografimit të Aurës, një metode domethënë, stampimit të saj në film, duke filluar që nga Aura e sendeve, bimëve e deri dhe tek njerëzit. Parapsikologët këtë e quajtën Bioenergji. Ai ishte mekanik dhe e shoqja ishte mësuese, por që shërbente si ndihmës i tij. Ishin gjithmonë shumë të dhënë tek eksperimentet e tyre. Dhe kjo duket pasi, Valentina vdiq nga shëmbja e sistemit të saj nervor, si arsye e një kohe të gjatë nënshtrimi në rryma me volt të lartë.

 

 

Pas vdekjes së së shoqes, Kirliani,  filloi të besonte në jetën pas vdekjes. Këtë e kuptoi atëherë kur, pas vëzhgimesh të gjata, të ndriçimit të një bime që po thahej. Ishte i bindur se bioenergjia që krijon Aurat e qënieve embrione, nuk humbet kurrë. Pra Shpirti ishte i Pavdekshëm.

Kirliani filloi si një mjeshtër lokal, një riparues i vetëmësuar me një prekje magjike. Pavarësisht se kishte mbaruar vetëm katër klasë shkollë, riparonte gjithçka dhe ato që nuk i njihte i imagjinonte. Kështu, kur u ndërtua një spital i ri, në qytetin e tij, dhe aparatet nuk funksiononin, ishte Kirliani ai i cili shkonte dhe i riparonte. Aftësia e tij u përhap dhe kështu u bë ndërtuesi periodik i çdo instituti mjekësor të atij qyteti. Pas shumë vitesh, dhe pasi u stabilizua në punën e tij, u martua.

Një pasdite, ndërsa po riparonte një motor të frekuencave të larta, të një aparati elektrik që bënte masazh, rastësisht e godet një rrymë elektrike. Nuk i dhëmbi, por pa fishekzjarre të bukura dhe mendoi se këto fishekzjarre meritonin të regjistroheshin. Por, si do të mund ti fotografonte? Duhej të ishte një errësire absolute, pllaka xhami dhe të bindej objekti që duhej të regjistrohej, të bindej që të qëndronte mbi pllakën. Dhe sigurisht, objekti fillestar do të ishte ai. Atë që pa nga fotografia që nxori ishin kockat e dorë dhe një auër misterioze që rrethonte gishtat e tij.

Kërkimet e tij do të fillonin sistematikisht në vitin 1940, dhe Kirlian kuptoi se dhe bimët shprehnin të njëjtën Auër. Nuk dihej se çfare ishte, por ndjente sikur po preknin jetën. Kështu filluan të shqyrtonin çifte gjethesh. Në një rast njëra nga gjethet, dha elemente të tjera, pavarësisht se dinin se , gjethet që vinin nga e njëjta degë jepnin të njëjtat rezultate. Atëherë zbuluan  se njëra gjethe ishte nënshtruar nga disa mikro-organizmë. Kështu, u lind dhe shkalla e dytë e kërkimit të tyre, diagnoza. Atëherë për fat të keq, shpërtheu lufta dhe kërkimet u ndaluan, për të rifilluar pas pesë vjetësh. Vetëm në vitin 1948 Kirlianët, arritën të ndërtonin një model të aparaturës së tyre , e cila u dërgua në Moskë për tu aprovuar.

Duke bërë një kthesë, kundrejt filmit me ngjyrë, që solli shumë mundësi, ndryshuan proçedurën e vëzhgimin nën teleskop, figura mbi sipërfaqen e ndriçuar të llampave që u zëvëndësuan me proçedura të padukshme. Gjithë këto vite përvojë, i shëndërruan në shkencëtarë dhe shpikës të një shkalle superiore. Por kjo nuk do të thotë se fituan famë dhe pasuri. Sepse në atë kohë ekzistonin dhe njerëz të tjerë që bënin zbulime të ngjashme. Kështu u njohën zyrtarisht nga shumë përfaqësues zyrtarë të shkencave vetëm në vitin 1960.

Në përgjithësi ishin njerëz me një dedikim  të madh, me shpirt luftarak dhe me besim në  rëndësinë e zbulimit të tyre. Më konkretisht, Semioni ishte një njeri i thjeshtë dhe mjaft i turpshëm, por me një dinjitet të qetë në sjelljen e tij. Jipte të kuptohej se ishte njeriu i vogël i cili përpiqet të shpëtojë botën. Ishte një njeri krenar, por jo një njeri që i pëlqente të ekspozohej, për bëmat e tij. Ndjente se nuk ishte ai i rëndësishëm, por ishin arritjet e tij. Ishte një shkencëtar, mekanik, një shpikës i mrekullueshëm.

Më vonë, u aprovua një hetim i përgjithshëm i fenomenit  dhe të zbatimeve të tij praktike. Ajo që ishte më e çuditshmja ishte se sipas gjëndjes natyrale të organizmit, madhësia dhe shkëlqimi ndriçues kanë prirje për t’u ndryshuar. Lëkura e njeriut kur fotografohet me filmin me ngjyra, zbulon se pjesët e ndryshme dallohen nga ngjyra të ndryshme. Gjithashtu, ndjenja sikur frika dhe dhimbja, provokojnë një ndryshim të menjëhershëm të ngjyrës.

Aparati Kirlian u përdor në një mënyrë të gjërë nga shumë sektore, si për shembull në teknologjinë kozmike, gjeologjinë, metalourgjinë, në kontrollin e sigurisë së çdo industrie. Gjithashtu , u provua dhe në çeshtje gjyqësore për kontrollin e armëve vdekjeprurëse. Gjithashtu u përdor dhe në terapinë e njerëzve alkolikë dhe narkomanë. Aparati Kirlian mund të tregojë dhe nëse një person është i dashuruar me një person tjetër apo jo.

Një ndihmë të madhe ka dhënë ky aparat dhe në mjeksi për diagnozën dhe parandalimin e sëmundjeve. Qelizat që janë pushtuar nga kanceri, dallohen nga ngjyrat e turbullta që nxjerrin në fotografi. Me këtë mënyrë mund të zbulohet  se cilët njerëz ndodhen në një nivel fillestar të sëmundjes, dhe kështu mund tu jepet një mundësi shumë njerëzve të shpëtohen nga kjo sëmundje. Gjithashtu , ndihmon rëndësisht në përballimin e fillimit të tretjes së trupit, por edhe të mëndjes. Shumë sëmundje mendore, dhe sidomos skizofrenia mund të diagnozohen kur ndodhen në një nivel fillestar.

Një tjetër sektor ku ndihmon shumë është edhe në gjëndjen fillestare të pacientëve që do të ndjekin terapi me rreze, kundër tensionit të lartë, sëmundjeve të kyçeve, enderitit. Përdoret për të vlerësuar objektivisht ndikimi i  rrezatimit.

Ajo që është mjaft shpresëdhënëse dhe e rëndësishme, është se aparati Kirlian, na jep mundësinë të shikojmë njeriun dhe të gjitha qëniet  jo vetëm nga ana materiale e tyre, por edhe si diçka tjetër. Viktor Injusin thotë: shikoj njeriun si një sferë rrufehedhëse . Një organizëm i gjallë nuk  është asgjë tjetër përveç se një kristali gjigand i rrjedhshëm, një gjysëmkanal  i përbërë nga një sistem i nderlikuar kanalesh të shkallëve të ndryshme kanalizimi.

 Për më tepër materiale të këtij lloji klikoni këtu: