Buzeqeshja, nje ilac shume i dobishem


 

Buzëqeshja, një ilaç shumë i dobishëm

  ‘’Nuk do ta ndërroja kurrë buzëqeshjen e Zemrës sime, as me të gjithë pasuritë e  botës’’  na thotë poeti Halil Gibran.

Sa dituri është përmbledhur në këto fjalë! Sa pasuri e pashfrytëzuar! Në kohën tonë depresuese, ku të gjithë qahemi dhe ankohemi  për kaq e kaq probleme ekonomike, sentimentale, familjare profesionale dhe aq të tjera, ilaçi më i mirë, jo vetëm për shpirtin por edhe për trupin thonë ekspertët, është … Buzëqeshja!

Po pse e qeshura është ilaç?

Ose ndryshe ….

Nga ah, ah, ah  ….. si do të kalojmë tek  …. Ha, ha, ha-ja!!!

E megjithatë…

Është vërtetuar shkencërisht, se e qeshura shëron shpirtin dhe trupin tonë, mbron zemrën tonë, forcon sistemin e frymëmarrjes, lufton sidomos depresionin. E qeshura u jep zgjidhje edhe tipave stresues, meqë çdo gjë që na torturon dhe duket e padurueshme, me të qeshurën duket  … qesharake.

Buzëqeshni atëherë! Fort, me gjithë zemër, spontanisht  … për zemrën tuaj dhe jo vetëm! Buzëqeshja sipas shumë kërkimeve shkencore:

  • Forcon mekanizmin mbrojtës të trupit, pasi kur ne qeshim, organizmi ynë lëshon elektrone imuniteti në hundë dhe në sistemin e frymëmarrjes, që e mbrojnë nga viruset dhe mikrobet.
  • I bën mirë zemrës, pasi zgjerohen venat gjakmbajtëse dhe si rezultat theksohet qarkullimi i gjakut dhe shumohet sasia e gjakut tek damarët. Ata që kanë pësuar atak , me vetëm gjysmë ore të qeshur në ditë,  ulet shumë mundësia e të përsëriturit  të atakut të zemrës.
  • Luftojmë stresin, pasi prodhojmë më shumë endorfina, ‘’hormonet e famshme të gëzimit’’.
  • Kapërcejmë lehtë dhembjet, pasi hormonet e mësipërme funksionojnë edhe si qetësues.

Vlen te përmendim  edhe mendimin e psikologëve , të cilët na thonë se : ‘’Më trego të qeshurën tënde, të të them se kush je!’’. Pra konsiderojnë se mund të kuptojmë më mirë karakterin e dikujt nga e qeshura e tij se sa nga një analizë e mërzitshme psikologjike.

Janë dakord gjithashtu se e qeshura ndriçon disa anë të harruara të problemeve tona, përveçse na qetëson . Na tregon rrugën, na ndez dritën, dhe sikur të mos mjaftonin te gjitha këto , për më tepër, na çlodh !

Buzëqeshni atëherë , ju bën mirë!

Buzëqeshje vs Humor i keq

Kini kujdes! Humori i keq është një armik që vendos hije mbi personalitetin tonë. Në të vërtetë, humori i keq  është një tregues i mungesës së paqes shpirtërore, i mungesës së marrëveshjes me veten tonë.

Është e sigurtë se e qeshura ka aftësinë për të dhënë  gëzim dhe lumturi. Por, për çfarë lumturie e kemi fjalën? Zakonisht presim nga faktorë të jashtëm  të gjejmë gëzimin. GABIM! Filozofia mijëravjeçare na mëson se njeriu duhet të kultivojë  gëzimin brenda vetes së tij ose me fjalë të tjera na mëson se gëzimi është një gjendje Shpirtërore…..

‘’Buzëqesh , zemra ime, buzëqesh

Gje kohën për të buzëqeshur

Pasi buzëqeshja është muzika e Shpirtit’’

  1. Ricos

Mbani mend:

Buzëqeshni akoma edhe në momentet më të vështira të jetës suaj.

Buzëqeshni pasi jeta tregon bukurinë e saj nëpërmes përmbysjeve.

Aty ku mendoni se asgjë nuk mund të shkojë më keq , kini parasysh se buzëqeshja mund të ndryshojë  të dhënat.

Sepse nëse arrijmë të buzëqeshim me diçka, sado e vështirë të jetë , mund edhe  ta kapërcejmë

Buzëqeshni pasi jetë pa vdekje, dhe vdekje pa jetë nuk mund të ekzistojë. Këtë e quajmë Rilindje!

Buzëqeshni dhe buzëqeshja juaj do të dëgjohet.

Për këtë pra…

Të gjejmë motivet, në mënyrë që çdo ditë që fillon të jetë një festë. ‘’Një ditë pa buzëqeshje është një ditë e humbur’’.

Le të zgjohemi me gëzim dhe entuziazëm.

Le të karikojmë bateritë tona me energji.

Le të sjellim në sipërfaqe fëmijën që mbajmë brenda nesh.

Të buzëqeshim shpesh, sidomos me veten tonë.

T’u përgjigjemi sfidave të jetës  me vendosmëri.

Të shfaqim dashurinë tonë më shpesh.

Duhet të ‘’marrim frymë’’ periodikisht, të qetësohemi disa minuta, jo vetëm nga ana fizike, por sidomos nga ana psikologjike dhe mendore.

‘’Mba  mend se jeta të përket dhe mund të ndryshosh gjithçka. Dhe prapë nëse nuk arrin të ndryshosh realitetin , atëherë ndrysho syrin me të çilin e shikon këtë realitet’’ NKazantzakis

Këtë e dinit?

* Mesatarisht, një i rritur qesh rreth 6.205 herë në vit. Kjo do të thotë se ai qesh rreth 17 herë në ditë. Nuk është shumë. Fëmijët qeshin mesatarisht rreth 40 herë në ditë! Këtu duhet të rikujtojmë fjalët e ekspertëve që thonë: ‘’Nuk pushon së qeshuri se po plakesh. Por plakesh sepse po pushon së buzëqeshuri’’ M.Pritçhart

* Sigurisht, çdo moshë qesh me gjëra të ndryshme: fëmijët me surprizat që në moshën e tyre  janë të shumta, adoleshentët me temat tabu dhe me satirën e prindërve dhe të mësuesve, dhe të rriturit me lojërat verbale, satirën dhe nëse jemi të pjekur mjaftueshëm, edhe me vetë veten tonë.

* Një burrë që qesh fort,nxjerr frymën e tij nga mushkëritë me një shpejtësi që arrin 100 km në orë!

* Shoqëria nuk është e detyrueshme për të qeshur, por është vënë re se qeshim më tepër me të njëjtën shaka , nëse ajo bëhet në praninë e të tjerëve. Gjithashtu, qeshim  mesatarisht 30 herë më tepër kur jemi me shoqërinë se sa kur jemi vetëm.

* E qeshura nuk është vetëm një privilegj njerëzor ( mjaft kafshë sikur brejtësit dhe majmunët qeshin). Por vetëm njeriu mund të dallojë përdorimet e ndryshme të së qeshurës: qeshim në mënyrë agresive, sarkazëm, erotikisht, miqësisht, në mënyrë mbrojtëse ( për të larguar stresin).

* Grekërit e lashtë besonin se Gelondi (i qeshuri) së bashku me Pasionin dhe Kënaqësinë, ishin dhurata të Perëndeshës Afërditë kundrejt njerëzve.

* Likurgu kishte ndërtuar një tempull në Spartë, ku adhurohej Gelondi (I qeshuri). Tempulli i Gelondit, ekzistonte gjithashtu edhe në qytetin e Thesalisë . Madje, një herë në vit organizoheshin lojëra atletike publike në nder të tij.

* Ipokrati besonte në vlerën kuruese të së qeshurës!

Le të vendosim pak gëzim tek gjithçka që bëjmë. Le të kemi një ndjenjë të shëndoshë të humorit të mirë. Dhe të mos harrojmë se buzëqeshja është transmetuese!

Për më tepër materiale të këtij lloji klikoni këtu:

Advertisements

15 mendime mbi “Buzeqeshja, nje ilac shume i dobishem

  1. donjeta thotë:

    shume bukur shum po me pelqen webi juaj brravoooo jeni shum te mire mundeni ti largini njerzve stresin me koto gjera qa te bukura te shkruara siq duhet tung tungggg

  2. klevi thotë:

    Vertet fantastike. Disa prej atyre keshillave i kam provuar vete dhe me kane bere efekt. Njera prej keshillave qe i jep mesuesi luftetarit te ri eshte, ” Mbaj gjithmone nje sens humori, Vecanerisht kundrejt vehtes tende”.

  3. donita thotë:

    un kam probleme me emocionet ne momentin kur prezentoj diqka kur jam ne publik kur recitoj e kshtu me radh qfar duhet te bej per ti hequr emocionet

  4. dituri thotë:

    thjesht duhet te mesohesh te dalesh ne publik donita, dale ngadale. Fillimisht me njerez qe beson dhe i ke te aferm dhe pastaj dale ngadale dhe me njerez me te larget.
    admin

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s